في الوقت اللي قولتي فيه انك ندمانه اني في حياتك
كنت بقول عليكي كل الدنيا بتضحك و انتي معايا
لو انا وحش زي ما قولتي كنت هنسى ذكرياتك
مكنتش هدعي اني ارجع ليكي اما لقيتك نسّايه
خليتي البدايه نهايه كسرتي القلب اللي حَبك
صح مكنتش طايلك بس حاولت و كنت بشبّك
مش همك .. اني ابعد ولا اقرر اني ارجعلك
و بسببك .. بقيت في كل الناس بشكك
العالي اهو ادلقلك .. و انا مالي ليه بشتاقلك ؟
الكل بعدي قالك .. هتضيعي بسبب هبلك
كان صعب حزني يبانلك .. عشان بخاف على زعلك
يعز عليا مبقاش جمبك بس خلاص هبلك
فوّقي من اللي انتي شارباه حبك مش هستناه
بعدك ده طوق نجاه و انا لازم اتمناه
زعلان عليكي ليه ؟ .. ما انتي اكيد مبسوطه معاه
هعيش و قلبي هدوس عليه مش اخر واحده في الحياه
حكايتنا كانت غريبه ازاي ملاك عشِق إبليسه
جرّة قلمي غاليه .. فـ ازاي كتبت لـ واحده رخيصه ؟
الدنيا مش جميله .. و شحاته متجوزش بيسه
انا عيشت اصبّر كل الناس مع إن حياتي تعيسه
حكايتنا كانت غريبه ازاي ملاك عشِق إبليسه
جرّة قلمي غاليه .. فـ ازاي كتبت لـ واحده رخيصه ؟
الدنيا مش جميله .. و شحاته متجوزش بيسه
انا عيشت اصبّر كل الناس مع إن حياتي تعيسه
مبتوحشينيش .. و في بالي مبتجيليش
كان نِفسي تبقي معايا للأخر و متجليش
كلامك اللي انا صدقته طلع خيش و خنتريش
الدهب و الدولار بيغلوا و انتي رخيصه مبتغليش
متعديش من قدامي عشان هزعلك بـ كلامي
انا الغلطان و بعاني .. مكنتيش تستاهلي اهتمامي
انا بس بوصلك سلامي
روحي نامي و عيشي حياتك و سيبيني انا بلعن ايامي
حبك كان مشكله .. حبك طلع كده و كده
مش هتلاقي حد زيي و انتي واثقه و متأكده
مشوفتش منك غير افترا .. عينيك مادة مُخدره
و انا صدقت عياطك .. و بقيت انا بعيط في الدرا
كل اللي انا عملته عشانك متقدرش و ضاع في ثانيه
ما تقولي فين حبيبتي دي مش انتي دي واحده تانيه
مش قولتي ان انتي " بنتي " ازاي و ليه ضحكتي عليا ؟
بقيت بشوفك و انتي جايه اودّي وشي الناحيه التانيه
حكايتنا كانت غريبه ازاي ملاك عشِق إبليسه
جرّة قلمي غاليه .. فـ ازاي كتبت لـ واحده رخيصه ؟
الدنيا مش جميله .. و شحاته متجوزش بيسه
انا عيشت اصبّر كل الناس مع إن حياتي تعيسه
حكايتنا كانت غريبه ازاي ملاك عشِق إبليسه
جرّة قلمي غاليه .. فـ ازاي كتبت لـ واحده رخيصه ؟
الدنيا مش جميله .. و شحاته متجوزش بيسه
انا عيشت اصبّر كل الناس مع إن حياتي تعيسه
