كلنا من تراب
ف كيل ما ميل ل يمون
مش كفر صدقا ، هي صلة و هاد تيمم
و بعرف بطوف بأعذاري ع أمل أبني حجتي
الليل خزانة و القمر بيكوي كلشي
و أنا لو بقوى بمشي ، كنت برفض اني داري
بس أنا بايع وقتي فكيف بصرف انتباهي
برسم كلشي باهت بعرف ، بشرد بغياهبي معلش
ما هي الحياة مدرسة و أعتقد اني آخد حصتي
و أنا ناطر تصحي يما
ليل و عندك ورد تسقيه و أنا عبث بخطي بس للاحق قصتي
و بعرف كنتي فزتي ، لو كنت بخاف
بتتغزل بسماري و بتكره اني شغاف
و أنا بوحي و صمتي ولاد و تقلي اسمع ما تجادلني
يما أنا و صمتي وحوش كل كلمة ببلعا بتاكلني
و أنا نفس أمشي منسي زي أسامينا القديمة
لأنه كل ما بفتح قلبي ببرد زي شبابيك هالمدينة
و شايف زواريبها حزينة و البرد من قصرن بيخرقنا
و المدينة بياعة هوا ، بترقصلون و بتخنقنا
و أنا بكره ميل و أنتمي ، أهل و دين و آلفابيت
بكره أتحجر لأكسر و برضو بكره لين و أنتني
اجتهدت بمدرستي فأخدت علامات بحصتي قال
اجتهدت بحياتي فأخدت علامات بجسمي
بسأل هل تجربتي مرتبة
بكرى مين بينتبه بس أمشي فاقد أمسي و كل مطرح فيني بيرتبط
و ابن عمي يبيع ٍStuff لأن رفض فكرة ال staff
و أنا لسا بدفع بالصف لأني رفضت أجرة الأستاذ
و أنا ماشي فاقد منزلي
بلكي بربح منزلة
بلكي بنسى كم سنة
و أنسى ارضخ و انزنق
و ألاحق الصوت يلي بداخلي و أنسى الحارة بصوتنا
ما يلي تعلقوا فيها تعلقوا صور ببيوتنا
و ما فضل هون غير وجه حزين ناطرك
ما فضل غير هالمدينة
و دخلك هالمدينة فاضلة ؟
كلنا من تراب فكل ما ميل ل يمون
مش كفر صدقا
هي صلة و هاد و هاد تيمم
و أنا ماضي بدربي و ماضي بلا
الماضي يلي بقلبي يلي ماليه قلق
كلنا من تراب ف كل ما مالوا يمي
بلتمس عذر لألتمسون و أصلي و أنا
ماضي بدربي و ماضي بلا
غراضي يلي بدرجي يلي ماليه ورق
كلنا من تراب فكل ما ميل ل يمون
مش كفر صدقا
هي صلة و هاد و هاد تيمم
و أنا ماضي بدربي و ماضي بلا
الماضي يلي بقلبي يلي ماليه قلق
كلنا من تراب ف كل ما مالوا يمي
بلتمس عذر لألتمسون و أصلي و أنا
ماضي بدربي و ماضي بلا
غراضي يلي بدرجي يلي ماليه ورق
