انا مابقتش اللي انت عارفها
دايبه ف حبك عاشقه هواك
ولا راح أبين دامعه تشوفها
ولا يوم هاضعف واترجاك
زي ما قلبي في يوم اختارك
زي ما قاسي ليالي مرارك
هقدر أرجع من مشوارك
صعب اكمل لحظة معاك
كان اخلاصي وخوفي عليك
كان اكتر ما بخاف علي نفسي
كان الغدر يبان في عينيك
وباشواقي أكدب نفسي
كنت لحبك عايشه وافيا
ليه في الآخر ابقي ضحيه
مش هستني تعذب فيا
خدت نصيبي خلاص وياك
كنت ازعل منك ولا أبين
واتحمل قسوة لياليا
عيشت بطيبه وقلب حنين
وانت ماكنتش حاسس بيا
وانسى وأقول يمكن تتغير
يفضل قلبي حزين متحير
لكن عمر الغدر قصير
كان لازم أبعد وانساك
صعب اكمل لحظة معاك
