مطر مطر و ترد للتربة الروح
و يخضر و يذعذع نسيم البرادي
و العشب فوق العشب يبني له صروح
في وادين رابي على ظهر وادي
لكن حمام الدوح ماله من النوح
صده لو ان العيد شارقه باجي
حمامة الوادي ترى الصوت مبحوح
نوحي لكن نوحي بشكل اعتيادي
الحزن فرقا كل ليله لي يلوح
احب احزن بس في جو هادي
ضايق ما ادري وين انا ابغي اروح
رغم النجاح اللي صنعه انفرادي
لو ان لعبه النجاحات مصلوح
جدمتها لكن لا يعاذي
وكفوف اصحاب الكرم ما هي شحوح
و طموحهم دايم و فوق فالسيادي
تشرق مكارهم على الارض و تفوح
اذكارهم فوحة في خادري ودادي
و فكري وحش في روض الابداع مطروح
نادر ولا يعرف في سوق المزادي
الانسان حفن الطين نفخفها روح
وتكونت على شعوب رو مبادي
خل ساعه الحزن سر ما هو بمفضوح
لو ينفضح يمكن يثور الزنادي
ضيقة شعوب الارض يا عاشق الفوح
ما هي مثل ضيقة شيوخ البلادي
عنيد لو قلبي من الحزن مجروح
ولا اعرف وش هو سبب هل العنادي
يمكن لان العمر مجموعة جروح
ولا لاني شخص ما هو بعادي
