أخذت من روحي لروحي نصايح
ثلاث يرضن النفوس الضياقي
جمع الحطب ومعلقات الذبايح
وحذف النشاما للغتر والطواقي
بقفرٍ خلا عشبه بالأزهار فايح
غصن الخزاما له بالآخر مراقي
تلقى أم سالم، تلقى أم سالم به تجر النوايح
يطيب، مع طير الربيع التلاقي
بين أربعة جدران، ماني بطايح
قطع الخرايم جبّرت عظم ساقي
في نون عيني، في نون عيني بارق الوسم لايح
كأن السحاب تسل فيها السناقي
إن عوّدوا، إن عوّدوا، إن عوّدوا وغب المطر للفلايح
ماني بفلاحٍ يعدّل سواقي
عوّدت للي يكسبن المدايح
فيهن طرب قلبي، ولذة مذاقي
سود البكار المكرمات المنايح
هذي ضوت خلفه، والأخرى ملاقي
ملحاً تباهت بالصميل يتمايح
ترتي على، كبد الحسود العراقي
خلوني، خلوني أقضي باقي العمر سايح
مادام، للعمر المطرّف بواقي خلوني
أمشي تحت غر المزون الروايح
هذا هواي ورغبتي واشتياقي
يرتاح بالي، يرتاح بالي يوم أودّه وأصايح
وأبسط فراشي، وأبسط فراشي في مبارك نياقي
أنحاش عن ناسٍ، تسوي الفضايح
عاشت بسوء أخلاق، كذب ونفاقي
أنحاش عن ناسٍ، تسوي الفضايح
عاشت بسوء أخلاق، كذب ونفاقي
ناسٍ تسرّد للمشاكل شرايح
تثير من بين الأخوان الشقاقي
كل الحياة أحلام والعمر رايح
طرقي بها الدنيا، وغيري طراقي
