سيبني نروح ،، سيبني نروح .. خلّي نروح بعييييد

جاوبني بنظرات ، فكرني اللي فات

ولّيت بعيد نكلمي في الخاطر و الراس .. نخزر في سحابة نشوفش فيها صورة ناس .. النّاس اللي في ماضينا شاركونا بنّة الإحساس .. شاركونا الضحكة اللي ما تساوي حتى قياس ..

بالضحكة بالضحكة في خيالي ما ننسهاش .. باللحظة باللحظة نحكيها و ما نخبيهاش .. هاذي لحظة من لحظات سنين و تتعاود كيفاش ؟ .. و اذا ترجّعها صاحبي قولي يا من عاش

رجّعني رجّعني لأيّامي اللي راحو فين

الخاطر ضايق ولد أمّي عِشرة سنين

معزول و حاير ما نعرف نتلفّت وين

في القلب شطاير من غُلّي على الغدارين

قدّاش من صاحب ودّعني بلا فيلامان ، نضحك من قلبي و ما نخليهش حزني يبان و لا يشوفو الغدّارين ،،، تحرقو شافوني زوين ،،، ما نغلط في النّاس و ظالم بدني توا سنين ، يا روحي يا روحي تربّي يزّيك توًا خلاص .. أخطيك منهم و أبعث كلامات النّاس ..و الله روحي باغية الفرحة يا حظّ الحسّاس .. حظّ الدوريش اللي يجري على حقوق النّاس .. راحو و نسونا .. اللي فرّكناها مع بعضنا خلّونا .. في أحسن تصاورنا في الماضي قاسمونا .. غلاوتهم في القلب النّاس اللي صافونا .. في غفلة خلونا .

جاوبني بنظرات ، نقبلها حتى كان يحاذيها سكات، بيدي خاثر و تعبان هالايّامات ، نرد بحركة من عيني بلا سؤالات

بلا نقاشات ، سيبني نروح نطير و في أحلامي نحاذيهم ، ماتفيّقنيش ما تخلّي نسيّب ايديهم ، ما تحاسبينيش على الاصحاب اللي نبغيهم ، راحو لمكان بعيد و مزروبة خطاويهم ، راحو راحو ويلي ويلي ، غابو ارتاحو ويلي ويلي ، دموعي ما شاحو ناري ناري ، تاتي غابت افراحو ناري ناري ،