كل الي فيا متاثر بجزء منك اذيني
بعدنا من سنه ومش قادر اصدق ان انتي نسيتني
كتبالي الوعود بخطها ف كشكول بيعذب ميتيني
بطلت اني اسمعك ف دماغي بس لسه الحيطان بتحكيلي
….
وانا مبقتش زي ما انا
اتغيرت حبه اما هديتي الي اتبنا
تعبت شويه بس بدات اني اتعافي
بدات اتعافي بعد ما تعبت سنه
دماغي تسيح اما بفكر كتير
دماغي بتحرق التفكير دا ف الهوا
عقلي جايز مبطلش تفكير
لكني ارتاحت اما قربت من السما
…
ولو بسيطه مكنتيش شغلتي بالي
مش هتموتي ف روحي وبعدين وتيجي تاني
وافضل مستني علشان واحشاني
والحقيقه مفيش غيري بيعاني
….
وانا كل فتره خايف يجي بكره افضل اشكي ليا دماغي توجعني
حتي الحيطه لما يفضي المكان تردلي صوتي وتبقي رافضه تسمعني
لسه الشوارع ونفس الطرق اما اشوف صورنا بلاقيها تندهلي
كل ضهر عربيه اشوفها اقرب منها واكتب بقي امتي ترجعلي
…
بس انا هكمل فاهم انا اتكلمت مع دماغي كتير ومش عارف اقنعها
مش عارف اقنعها اتخطاكي ومش عارف اقنعها ان سيبنا بعض اصلا
بس انا في خناقات ف دماغي اكن دماغي ف منطقه شعبيه
مفيهاش حكومه تسيطر عليها
…
وعينك شاهده ولا لا موافقاكي علي الي فات
المرض منك علاج لو اتصابت بالنسيان
اتمنيت اكون دماغي متسيڤش الذكريات
عيشنا سنين ياريتني كنت مت قبل كل دا
..
ومين قالك ان الشهره فرقالي ، مين قالك ان الناس دي حباني
الناس دي تسمع ف بتسقف لوجعي
اهم حاجه ان انا بنتج اغاني
مش فارق اصلا ان الحرف بيآلم مش فارق اصلا اني انا الي اعاني
ياريتني فعلا اتنسيت من الفانز بس بشرط تكوني لسه فكراني
…
رميتلك قلبي وقطعت الخريطه كل خبطه كانت الخبطه البسيطه
ساعات بحس ان مقومتش من الحلم بخيط قلبي من جروحي العميقه
وليه انتي ف بالي عايشه جوا تحديدا قولت كارهك والكلام مش حقيقه
اديتك كل الي اتعلمته من الدنيا ومت بس من النيران الصديقه
…
وكلميني لما تبقي 60 اما صورتك واحده واحده تتاثر
اما وشك يبقي اتملي تجاعيد والسنان البيضه تبدا تتكسر
وكلميني لما شعرك يشيب اما نيجي نمشي سوا نتعثر
وكدا الشكل هيبقي اتغير اكيد بس حبي ليكي عمره ما اتغير
