تسولف عبرتي عنك ويخنقني الغياب أكثر
حبيبي مالقيت أقسى من فراقك ولاحاجه
عليك أشكي ومنك أبكي ولك أحكي وبك أتأثر
أعيش شلون وإنت اللي عشان أعيش محتاجه
أحبك والألم مكتوب وجرح الخاطر مقّدر
أحبك يوم تتركني وأحبك يوم نتواجه
على عرش الفرح حبك متوجني وما قّصّر
أنا اللي بس ما عمري لبست بغيبتك تاجه
غصون الحب في قلبي تمايل حزنها وأزهر
تعال أقطف معاناتي وحس بجرحي وناجه
بدونك دنيتي صوره إذا طالعتها يظهر
بحر من شوق لوجودك تلاطم فيني أمواجه
