عندي كلمة قلّك ياها
بايبي شفافك ما بنساها
بس قوليلي شو المطلوب
انا مانّي وحش انا كيوت
انا اكيت من الدبدوب
بس اوقات بكون
كريمينال مطلوب
لو ذنبي قلبك المسروق
عطيني حشّي بهالذنوب
انا سارق، قاتل، ثورجي،
شلعوط، ازعر، بلطجي…
ومش عم اقدر انّي توب
ولي انا انا ثورجي
ولي زيحي زيحي الثورة جاي
انا ثورجي
ولي انا انا بلطجي
فجّر حروق، قتول سروق…
سبّ سبّ لك سَبسِب عأمّ الفوق…
ولي ويلي ويلك من البلـــــــــطجي.
كوني انت الجماهير
ما بتسهري بالمطاعم، بتسهري عالحصير
كوني خمر المؤمنين
ان كترت كوني عصير
كوني حدّي مستبدّة، كوني انت الجنازير
كوني كوني بلطجي
كوني بلطجي
كون انت البلطجي
كوني انت مش سلمية
كوني اوسخ غنّية
كوني بلا اخلاق، كوني انت النورية
وانا بكون الذكوري وانت فلتي حدّي وثوري
نكون سوى البلطجية نكون سوى البلطجي
ولي فلتي حدّي و هاتي الفضّل حلو بحياتي
كنت بضيّفك شي بس قرطو مصرياتي
واذا بتنهشيلي لحمن عادي، انا مش نباتي
حتّى اسقيكي شي، البيرة صارت بتلاتة
فإذا بدّك تتزوّجي.. اهلا وسهلا
حاجي تتحججي
ديريها معي كجكجة، قدّام المجلس عادي
محسوبك بلطجي، محسوبك ثورجي…
حرقي دواليب وصبّي كاز ورميهن قناني…
عربشي عالجدار الفاصل وكبّي خفّانة
وتعي بعتيلي بوسة عن بعيد بس تتكلبجي
وقوليلن صرت حبّ عن جديد عجي بلطجي
ولي انا انا ثورجي
ولي زيحي زيحي الثورة جاية
انا ثورجي
ولي انا انا بلطجي
ولي انا انا ثورجي
ولي زيحي زيحي الثورة جاية
انا ثورجي
ولي انا انا بلطجي
