غبي غباء
إيه، ما عنديش حاجة تتقال
البشر شمال
ما هو ده مش جديد، ده نفس الشريط
مدي نفسك أعذار، ما هو ده مش هيفيد
جاتلي أخبار إنك غرقان في الأفكار
ما عرفتش تنام لطلوع النهار
إتضحك عليك ويا ريتك خلعت
إزاي ما جمعتش؟ إزاي إتخدعت؟
عشان إنتَ غبي، عشان إنتَ ساذج
بتثق بسهولة، ما بتحطش حواجز
ليه مش بتأمن؟ بتموت في الأضواء
ما حضرتك النجم، حضرتك Star
لازم تحكيلهم قصة حياتك
بتهري ع الفاضي فتحس إنك حاجة
أقعد إشتغل، فكك من الرغي
بعد الأجازة بتقلب أجنبي
بيتريقوا عليك وإنتَ مش قاطع
عامل فيها كاريزما بس إنتَ في الواقع
غبي غباء
إيه، ما عنديش حاجة تتقال
مش لاقي أسباب
عامل فيها غلبان
بس إنتَ جبان
خايف تقوم
دايمًا كسلان
مش هكذب عليك بس إنتَ إتغشيت
إديتهم الغالية وحطوها في الجيب
لسه بتخمن، أقعد أتأمل
مش هتتعلم، خلاص مش هتكلم
إزاي ما ركزتش؟ إزاي ما لاحظتش؟
كانت واضحة للكل بس إنتَ في المشمش
بس إنتَ.. إنتَ مش هنا
إستخبيت في أوضة مكمكمة
إزاي خذلتنا؟ هسيبك مع نفسك
آخر دقيقة، مش ده وقت المجازفة؟
ليه بتتفاداني، عايشين هنا سوا
جربت بالمية، جربت بالهوا
تعالى كلمني أرجوك ما تضعفش
أصل أنا ضميرك وإحنا في مسابقة الرقص
وإنتَ بجد غبي غباء
ما عنديش حاجة تتقال
البشر شمال
ما هو ده مش جديد، ده نفس الشريط
مدي نفسك أعذار، ما هو ده مش هيفيد
جاتلي أخبار إنك غرقان في الأفكار
ما عرفتش تنام لطلوع النهار
إتضحك عليك وياريتك خلعت
إزاي ما جمعتش؟ إزاي إتخدعت؟
عشان إنتَ غبي
غبي غباء
