عقلي متخبط

و ذاكرتي عم تخسر الصور زي ولد بالحارة بيلعب طبة

بالعرق متصبب ، القلم و الورق مترتب

نسيت أكتب و جوهر الفكرة كيف ببلورها بمسودة

ما فيي وتر بيرن و ماشي بهالغرف متوتر

كانت فترة تنضيف ف قلت بالورق بتف قرف هالمدة

و مصعب بفترة خزعة خوفا من ورم بالرقبة

و وحده القلق عامل مشترك بالغرفة

ف لكتر التعب صرت بفلت حلمي كل ما بشد طرف المخدة

تشيلني الموسيقى من المشفى للبيت مضطرب عم بهذي

و بشكر ، كلشي مضى على خير فعدت بذهني للورق

كوني شايف الناس كلام ف ليش ما صيغ كلشي بينقرأ

فش بصيص بحرف هالطايفة كان ممكن ينقذني غرق

و ما خاف أنادي أخوي بالشارع لشي روسي يفهمني غلط

فقلت بختصر على حالي .. برجع برتجل و مارس

بلجأ للسطر لعالج .. الوجع و الصبر يلي مارق

ف رجعت أكتب لرابرز و يا أسفي

تعبت جيوبهم تغيرت نفوسهم ، أما أنا تعبوا جيوبي و راح نفسي

و خفت أرجع لذاتي العبثي و خوض بذات المشقة

و بس تهت بشوارع سطري كان بجواري الأزقة

و كل ما نيران الغيبة تدق فيني

رمادا تقلي برجع و سراج جنبي لما الييغر كانت تطفيني

و كل ما أكتب بيت يخبرني إني عارف طريق الرجوع

ليش أطلع درجة درجة ؟ إذا ببيتي كنت عايش عالأسطوح

ف عملت فري و كنت عايم بالسطور

كدعاية للموضوع .. لعاين من منظوري الفكرة و الإقبال كان عالي و مش معقول

شفت الكل بيدفعني للفري

الحكي يلي بقوله بالمجان و يلي بيسمعني بيشتريه

قلبي بيوجعني كيف مشيت

لو الورق كاسيت ما كنت بطوي هالصفحة بحياتي و لا بقدر جعلك هالشريط

و لا بنسى كيف فزعلي درويش

رميت أول تراك شفت مسج بيسأل كيف بتعمل هالتريب

زمان بسمعلك أبو شريك

و بنت تقلي تراك نضيف ، شكرا بيرجعلك تنشريه

و رجعت لأول أنفاسي كأني بعند عالغريب

و غايتي أحكي يلي عندي ، بديش اتنشن هالقد

واصل النيرفانا بسطري عم بنتشي بريسبيكت

و حدا يقلي سيبك ليش بتنشر هالشيت

اشتغل كوميرشال كم هت

اقترح ٍSick battle و كم حدا يمنشن للهيت

بدهمش تكون حقيقي و يفهموا الحدا يلي فيك

بدهم تكذب لتناسبهم و يقتنعوا إنك ريل

بدهم تخدم غايتهم و انت عالق بالسيرفيس

كل ما نحتك نولع ، بدهم يانا عواد كبريت

بس أنا برى هاد البولشيت

فكرك بيهمن دوافعك

لو كان جوابك لأ ف أنا بركد لوافقك

ربحت الباتلز عالكل ، كل مرة بجلد بذاتي

و بقول صدقا انت الأضعف ، من هيك برفض أواجهك

بعد ما ربحت بتروح زي مانيكان تحمل مواجعك !

زي مانيكان تبقى بمطرحك و كان فيك تكون بالواجهة !

و اه بلومني على كلشي

لافتح الصفحة و اسكرا و ارجع الدفتر على درجي

و هلأ الدفتر عالطاولة و هيني بتمخول عالكرسي

و مؤمن هالورق مراي التراك يلي بكتبه بيكتبني