بنصحى الصبح بدري بنجهز ونطلع نجري
عندنا احلام وهنحققها مهما العمر يعدي
مشاكل بيت زحمة طريق خنقة واكتئاب
دخلنا الاوضة وهمومنا مبتخطيش الباب
صور موجودة ع الحيطة بتحكي عن تاريخ كبير
ممثلين ابطال خدموا المكان بكل ضمير
عددنا كبير .. لكن ما بينا الانسجام
اتفرج ع عروضنا تتعلم النظام
عيد ميلاد صاحبنا نجمع ونجيبله هدية
نعمله مفاجأة ونفرحه فرحة مش عادية
السما تمطر .. نجري كلنا بجنون
صوتنا واحد بنغني .. اعظم كاست ف الكون
احلى يوم في السنة بالنسبالنا عزومة رمضان
بنبقى وسط اهلنا حاسيين بالامان
حد بيتخرج حد بيدخل ما بينا محبة وشوق
جيل بيسلم جيل وتجارة برضة فوق
كاست تجارة هو احلامنا كاست تجارة هو حياتنا
كاست تجارة عيشنا فيه اكتر ما عيشنا في بيتنا
اعظم كاست في الكون وراه فين ما يكون
دايما في قلبي وعقلي بقيت بيه مجنون
في المهرجانات الكبرى هتلاقينا موجودين
ذاتي كبرى عربي قومي دايما جاهزين
وانت بتتفرج .. استحالة تفكر تسرح
سوكسيه الجمهور يخضك .. ويرج المسرح
شغلنا بتعب وصبر وقوة وعزيمة وهمة
هدفنا ان تجارة دايما تفضل ع القمة
اخر بروفة بيبقى فيها الحلو والوحش
ناس مبسوطة عشان هتعرض والصعوبات بتنكمش
وناس تانية زعلانة .. خلاص .. بيتخرجوا
واقفين قدام الصور مش قادرين وبيعيطوا
كل شئ بنعمله يؤدي للجنون
لان شعارنا ف الحياة هحلم هوصل هكون
ذكريات كتيرة .. عن اول وقفة ليا
مواقف وحكايات خلاص بقت مرتبطة بيا
مش هنسى الخوف والقلق قبل .. فتح الستارة
مش هنسى ان بدايتي .. كاست تجارة
كاست تجارة هو احلامنا كاست تجارة هو حياتنا
كاست تجارة عيشنا فيه اكتر ما عيشنا ف بيتنا
اعظم كاست ف الكون وراه فين ما يكون
دايما ف قلبي وعقلي بقيت بيه مجنون
