شكرا للايضاح قصدي شكرا للي ضاع
عايش في الصراع بس مش عايش الانصياع
بنجري باقتدار وبنلف في المضمار
شايفهم بالمسبار بس مش هعمل الميس باص
بكلم النجوم والسحاب والبحور
كل دا دخان بس شامم البخور
طاقة تيجي وتمشي زي السكر والدهون
طاقة وقعت مني في ميكروباص يا دكتور
قولي مين السبب ومنين بييجي الاذي
او يمكن ايه السبب وازاي الومني انا
من اول المبتدأ جيه الخبر غلط
رايح اصرف دهب وفي حصالتي غضب
بكلم الاشياء ممكن اكلم الايام
اكلم الحديدة وصوتي جوا السلك بات
أتكلم بانسجام أنا بكلم الكلام
كان ممكن تبقي تراك بس لو كان
بفرد الجناح بس بيخبط في البرواز
وياما قالو الناس وحطونا في المقياس
وكل ما أكسر باب يطلع بعده ألف باب
ومحدش فهم حاجة محدش فاهم الفنان
لسة هاوي وبقنع حالي اني احسن واحد
كنت يائس من حوالي رمشة عيني اللي فاتت
١ في المليون نجاحي كافي اني احاول
بكسر البندول قتلت الوقت والعقارب
اصحا لو بصيت في الساعة تخسر
مش امريكاني الدنيا مش ارقام واحصا
ولو جيت مكاني تلاقي معايير وقصة
وصعب تمتلكها انتو معاتيه وطفسة
وانتو ملقوطين رادار بس متسابين أمتار
ومسير الحي يتلاقي زي الأرض والامطار
تحب تعيش اوهامك بس قدامك فيه اعصار
مش هتحس بحاجة بس البرد يقلب نار
شارعنا فيه مواهب تملي كار
أستاهل نجمة ظابط الايقاع
نجيب أخرها دا المسار
جوا الرحلة و شكرا للايضاح
