الدنيا تدور
تلف و تلعب نفس الدور
Light is off
مبقتش تشوف
ما بقاش موجود النور
ناسي الوقت
جوا الدايره و ما بتخلصش
ماسك قلب شاف الخوف و الصمت
قالت معاك صدقت
قاعد في الضلمه الذكريات بتطاردك
من كتر الصمت قاعد سامع صوت حرق سجارتك
النقص في النفوس ، القلب كان محبوس
مش راضي المقسوم بتبص ع النجوم
و النجوم تتمنى مكانك يوم
الغدر ماللي خان العشره في بلاعات
الجدع قلبه مات اتحط في خانة الذكريات.
الجرح ساب علامات تأثير الوحده بان
أدرك معني الحياه ، ودع إللي فات
اتمني يبعد عنك نقص النفسيات
بتحارب الموجه فاكر نفسك اقوي من البحر
ما سمعتش النصيحه ماللي راح ما رجعش صح
سامعك و شايفك و انت بتحكي مع نفسك
حاسس ب الخنقه بتحارب لوحدك
بوجه رساله شديده اللهجه
لكل انسان فاكرها سهله
شايفها من مكانك و بتحكم ياهبل
ما تقدرش تعيش فيها لحظه وآحده
صدقني محدش بيختار الشخصيه الي بتتكون
وهم الاختيار هيعيشك إنك الأول
فاكر نفسك أحسن بس عشان إنت محظوظ
بس إللي مش عارفه إنك ناتج الظروف
الدنيا تدور
تلف و تلعب نفس الدور
Light is off
مبقتش تشوف
ما بقاش موجود النور
ناسي الوقت
جوا الدايره و ما بتخلصش
ماسك قلب شاف الخوف و الصمت
قالت معاك صدقت
الخلق ع الخلق كله ضاق
اتخنقت مش مستحمل كل يوم غباء
الصبر نفذ سبت السم في الكاس إللي ضاق
مش عايز قلق الريح جاي م الشباك هناك ، اقفله
اتكيت عالصبر و انتهى عدينا البحر و الجبل
دايما الأول في السبق خلاص الكلام اتقفل
سبتك بتهلفط م الزهق بتفكر نفسك بالالم
بتكفر نفسك بالقلق اتبت و ضهرك انحني
مفيش حقيقه قاعد في الضلمه و بيقولها و مزري
معلش الشاب لسه متفرج علي ريك أند مورتي
بيلف و يضرب عمال بيفكر و يتوس الكوين
و بيرقص شعبي علي أغنيه لبينك فلويد
صدقني محدش بيختار الشخصيه الي بتكون
وهم الاختيار هيعيشك إنك الأول
فاكر نفسك أحسن بس عشان إنت محظوظ
بس إللي مش عارفه إنك ناتج الظروف
