انا انسان ميتعاشرش
مريض بـ الكدب انا كلامي غش فـ غش
مين يقبل يبقى مع انسان ملوش ملامح
مع كل حد يبدل اسم يغير وش
متعاطي حبة و حبة شيخ
مختل انا بقيت بزعل من اللا شيء
من صغري بعشق الفت انتباه الناس دي
لكن لما كبرت بقيت اناني و شخص مادي
انا فعلًا مش طبيعي و لازم تبعد عني فورًا
بشك في كل الناس و دايمًا حاسس بـ المؤامرة
بكون اشطر ممثل لما اتحط في دور ضحية
" مش هو ده اللي اتقال عليا؟ "
و اديني قولته لكل الناس بـ عضم لساني
فـ ياريت محدش فيكوا يبقى يقرب مني تاني
انا بعترف لك اني بجد مش طبيعي نهائي
فـ شوف حياتك انت بقى و سيبني للـ اغاني
الدنيا دي غريبة فعلًا
ازاي فـ يوم حسينا القرب منك نعمة؟
وجودك بوظ الف شلة
انت شيطان بـ معني الكلمة
اظن انك تمام دلوقتي
مش كنتي عايزة تمشي و يطلع ان العيب من عندي !
طب يلا اديها مشيت زي ما حبيتي و رتبتي
احكيلهم عني قولي كان فلاح بيغير و بلدي
و قوليلهم قد ايه انا مريض و مش متزن
اوقات بكون شمام لكن اوقات بكون ملتزم
مفيش مبادئ ثابتة كل شوية اكون بـ حال
بغوي البنات بعدين بقول هما اللي كانوا شمال
قولي عواطلي بس قال اني فنان
عشان موهوب في الكدب بيعرف يلعب بـ الكلام
استعطف كل الناس عشان يدوب تفضل معاه
مع ان الناس عمرها ما كانت يوم واحد عايزاه
مش ده اللي حلمنا يرد علينا فـ مرة لأ
على طول فاضيلنا لأ مش اهتمام ده لزقة
عايش فـ دور انسان كل الناس بتسيبه
بيشوف عيوب الناس لكن ميشوفش عيبه
الدنيا دي غريبة فعلًا
ازاي فـ يوم حسينا القرب منك نعمة؟
وجودك بوظ الف شلة
انت شيطان بـ معنى الكلمة
