روبابيكيا حاجات قديمة للبيع
روبابيكيا قلوب كتير بتضيع
روبابيكيا حاجات قديمة للبيع
روبابيكيا قلوب كتير بتضيع
روبابيكيا وكله بيكيا وخلصت المواضيع
مين اللي بايع، مين اللي شاري، مش مهم
الكاشات هي الحكاية ودا الأهم
آآآآه، روبابيكيا
ما تقولش لأ، مالكش حق ياعم بيع
ذالقلوب زي الحاجات فيها قديم وجديد
تتخنق وتضيق ساعات ويلزم التجديد
القلوب زي الحاجات فيها قديم وجديد
تتخنق وتضيق ساعات ويلزم التجديد
وساعات تتوه وساعات تضيع ويجي وقت البيع
روبابيكيا
روبابيكيا، وسط البلد، واي كرو
روبابيكيا تعالى إشتري اللي عندي
عندي حاجات قديمة، تعالى شيل وعبي
أول حاجة هبيعها، عاداتي ومبادئي
عشان بقت قديمة من الركنة غصب عني
روبابيكيا حاجات قديمة للبيع
السينما الأبيض وإسود، باقي السينما تقاليع
عشان ينجح المنتج، لازم منظر خليع
وأما تسال الجمهور "إيه رايك؟" يقولك ذيع
أصل فيه طقوس، عادات وتقاليد
على طول القديم صح والغلط جديد
التعقيد في التعليم والمنهج مش مفيد
يلوموا الجيل ويقولوا جيل عنيد
الضغط إبتدى يزيد، لما العمر إبتدى يعد
الأم لازم ترخي لما الأب يبتدي يشد
إبتديت أجد وأجري، عشان ما ينفعش أمد
إتشالت وإتحطيت، في أي شغلة آسد
شد حيلك، عداد العمر بيمر
وزي ما شفت حلو، شفنا برضه مر
والنتيجة عمالة توقع في ورق وتكر
والخبر اللي يسعد ناس، ناس تنضر
روبابيكيا حاجات قديمة للبيع
روبابيكيا قلوب كتير بتضيع
روبابيكيا حاجات قديمة للبيع
روبابيكيا قلوب كتير بتضيع
روبابيكيا وكله بيكيا وخلصت المواضيع
مين اللي بايع، مين اللي شاري، مش مهم
الكاشات هي الحكاية ودا الأهم
آآآآه، روبابيكيا
