تفتح الشباك تنور
قلبي بيدق ف وجودها
عيني تدي فلاش و أصور
الكسوف من لون خدودها
تبقي زي الورده لما
الهوي يعاكس في عودها
هيه تشبه للكمانجه لما يعشقها الوتر
هيه لما يشوفها قلبي يديني إنذار خطر
صوت ف عز البرد دافي
ضحكها في الصيف مطر
عاوزه حب بشكل تاني يعني مثلاً زي حبي
هيه في الإحساس أغاني نسمه من شاطئ أوروبي
أو جيلاتي بالفراوله ف شهر سبعه مم جروبي
من جمالها عنيا سرحت
فيها طبع الحسن خلا
قلبي داب أول ما فتحت
و بصراحه عليها طله
بصّ طرف عنيها جرحت
قلت ١٠٠ مليون مشالله
