في ألف حاجة بتندهلك
وحاجات كتير مستنياك
ووحدة في خيالها بتعشقك
وأملها بس تعيش معاك
في صاحب لسه مشفتهوش
وكلام كتير مقلتهوش
واللي انت لسه متعرفوش
انك بتكبر من سكات
جربت تهرب من مشاكلك
وكل حاجة مزعلاك
جربت تهرب ويّا نفسك
وتقعد تتكلم معاك
جربت تنسى وتعيش لبكرا
ومتبقاش حاجة مكتفاك
في غنوة حدندنها يوم
في طريق سفر تنسيك هموم
في مكان مصيرك تعشقه
ونجاح بإيدك تحققه
في قلب حيطبطب عليك
في ألف حلم بيناديك
في ناس كتير في طريقها ليك
حتحبك وتهتم بيك
