اصعب شئ ممكن يأذينا
ان الحزن يعلم فينا
يوصل بينا الحال لو نضحك
الضحكه مابتلقش علينا
بنحاول نخرج من حالنا
ونروق ونشيل من بالنا
بنحاول لكن يخسارة
بنلاقي الايام واقفالنا
ناخد جنب و نبعد حبه
نبعد بالقلب اللي اتعبي
بنفكر ف الوحده هنهدي
اتاريها بتزود ضربه
نخرج م العزله ونتكلم
ونفضفض واحنا بنتألم
وبنسمع مليون معلش
اهي دنيا وكله بيتعلم
شكرا فعلا كتر خيرهم
ماهي معلش حقيقي كبيرهم
ياما عشامنا جابنا الارض
وطيبتنا اللي بتتحملهم
يلا نهايته ادينا عايشين
نقدر بقي او مش قادرين
هنكمل في الرحله الصعبه
وبندعي ان الصعب يلين
