"""بيروت"".. !! رَجْفِة صَدَا ..

مَشلوع .. عمبيموت ..!!!

صَوت الضِّحِك .. مَقْهور .. عَميِبكي

الياقوت .. انْحَبسِت شفافو ..

وْغَصّْ تا يِحْكي ..

يِبكي لـْ حَلا .. صار الحكي تابوت .

""بيروت"" تِهشل .. ما عِدِت خِيفان

شربان جِسما دموع ..

ما عْرفْتا

تِمشي بـِ دَمعا .. غامْرا لبنان

لْوين لْـ هَرَبْ …يا ربّْ ..!!

ما لحِقْتا

كيفْ مَـ لْتَفتِت .. شايْفِه خوتان ..

والليل أخوت .. !!

والشّمِس خَوتا !!

""بيروت"" تِهشُل .. يِرقُص الشَّيطان..!!

تَضْحَك لـْ ""آخ خ خ"" ..

لـْ جارحا صَوتا ..

""بيروت"" وَحْدا .. ما في حَدا سِئْلان

ما في حَدا ..

صارو الـْ ""حَدا"" مَوتا..

… وما ضَلّْ غَرْ ""يا رَيْت"" يا لِبْنان"