بغني للوحده بغني لمخاوفي
باليته خلصت الدنيا دي ابيض و اسود
تعدي الايام ..النهارده عيد
بس ده مات من زمان و اللوب عمال بيعيد
بصيت في الارض شفت ظل كهل
بصيت في مرايا مكان قلبي سهم
مأدتش نوايا مشفتش فعل سد
مين كام معايا لما الضلمة جت ؟
فقير بالمشاعر و ديا النتيجة
مشاعري سفينة كانت غريقة
اتلسعت بعقارب الوقت الدفينة
قالولي اركب قارب و روح انقذ غريقك
الحياة دي تشبه الاربع حيطان
اللوب عمال بيعيد جوا دماغي في شيطان
اتهديت ملحقتش الم الحطام
دمي بقا اسود من كتر القطران
خدوا من عندي في كتير
في ضلمة الليل الدنيا فيري تيل روحي قربت تخلص مش لاقيلها اي بديل
بموت بالبطئ
حياتي دي شو مش لطيف
دخلت الغويط
بعبي تروما في الارشيف
مش بشوف من السديم
تايه في الفضا بطير
شايف الزمن بطئ
عامل من الفويد طريق
بغني للوحده بغني لمخاوفي
باليته خلصت الدنيا دي ابيض و اسود
تعدي الايام ..النهارده عيد
بس ده مات من زمان و اللوب عمال بيعيد
بسوق الجادون
عمري عدي في البادروم
نفسي اشوطها تيجي جون
خلصت خلاص مفيش ضوء
حتى احساسي بقي raw
..
وكل حاجه كانت جنبي
بكرة بيجي بتروح
واللي حصل ده مش ذنبي
مسبتوليش غير الجروح
..
بننحت في الصخر لحد ما اشتكي
انا كده من أيام المدرسة
ده طبع فيا مش هيروح مع الأسف
فضلوا بيضغطوا لحد ما اتقسم
..
وبقي شخصين
بقيت بتعامل بوشين
بكرة موديني على فين؟
مبقتش عارف انا منين
انا اتقسمت نصين
..
نص بيموت نص بيشتكي
نص بيشوف نص بيختفي
نصي خيالي ونصي منطقي
مش بكتب تراك أنا بكتب قصتي
..
وحتى قصتي
كانت هي اللي بتكتبها
كل حاجه كانت ف ايدها
مكنش ب ايدي غير اني اسبها
اكدب لو قولت ان انا نسيتها!
..
الحياة بتعلمنا
غمض عنيك متحلمش
مش هتشوف النور
لما تنزل الشمس
..
ومهما بتحاول هتموووت
اخرك تتفرج وتشوف..
