يا شباب الإسلام يا رجال الأمة

راني خايف عليك بقلبك اسمع هالكلمة

ليوما كلامي يبكيك غدوة باش تتنحى الغمّة

خويا أيدي فايدك الملتقى ان شاء الله الجنّة

*************************

البارح كنّا ضايعين ما حسّيناش بالنعمة

و ربّ العالمين ميسّر طريق التّوبة

ظنّينا في الدّنيا اللّي يملكها يتهنّى

لكن السعادة ما تلقاها كان في السّجدة

*************************

نسينا ملك الموت اللّي ما يطرق البيبان

نسينا ملك الموت اللّي يرصدنا في كل مكان

نسينا أوقات الطّاعة نسينا المسجد و الآذان

والله لا خير فينا كان بالدنيا نسينا القرآن

*************************

باش نتسألوا عالأوقات اللّي في المعاصي فنات

وقت اللّي الناس في النور و احنا غارقين في الظّلمات

و بنات الإسلام علاش ما لبسوش الحجاب

بدنهم اللي كشفوه والله ما يتحمّل العذاب

ياللّي ما سمعت كلام اللّي دعاك للصلاة

قلّي شنوّا جوابك للسؤال بعد الممات

غادي ما فمّا صحاب و لا الوالدين ولا الخوات

مهبّط راسك وذليل قدّام رب السموات

*************************

خويا هاذي فرصة بالله عليك ما تضيعها

و الشمس اللي تشرق غدوا تطلع من مغربها

يتسكر باب التوبة و ما تنفع مليون دمعة

طوبى لأهل التوحيد و انت لا سجدة و لا ركعة