طوعت نوف النوَف مردوفه
ما بجد خبت المدى منصوفه
،
احداها لا حداني حادي
تحت دبرة قلتي المشعوفه
،
عروتي ب الله ولا غير الله
يطلق لساني ، ويلغي زوفه
،
هاجسي برقٍ حديد حدّه
بارقٍ تقسم لراض قنوفه
احتزم به في وجيه اعدائي
واربط اكبر قنبلة في جوفه
،
وألفت رقاب الأكابر صوبه
واعتزي ب العزوة المعروفه
،
اتساما به لمجد احلافي
قاطبة قحطان ، ركن صفوفه
،
حلفنا سيفٍ شباها يعدّي
يمنع الخايف ، ويمّن خوفه
،
يا سلام الله سلام اليامي
السلام الموجبات تحوفه
،
يا عوال مضيم واحد واحد
يا مقابيس الثنا وسيوفه
،
ياعلي بن حمري القحطاني
اسمك يهزّ اليمن والكوفه
،
راية الشعر وبعيد الهقوه
نايفٍ فوق النوايف نوفه
كل ماسقت النوادر يمّك
اضرب العالم بعرض الطوفه
،
مكرم الطرقي علي بن حمري
تشبه أفواج الحجيج ضيوفه
،
يذبح القعود والمردومه
هيلعين ماتشح كفوفه
فالكرم ماشفت مثله مثله
وده يقدم دمه لضيوفه
