بتعمد ماشتاقلكش
لأني أنا لو بشتاقلك ... هاتحرم منك وش
وهاتفضل تهرب مني وتقولي خلاص معلش
عارفك مش من دلوقت .. حافظك اوي اكتر منك
وتملي اللي يقربلك تبعد ماتكملش
وهلاعبك .. وهاجيبك
وحياة ربنا ماهاسيبك
ده مفيش حاجة ورايا غيرك
سلملي ماتقاوحش
******
هاقولك كلمة ف سرك
عارف لما بتوحشني ... انا بغلب شوقي إزاي
بتلكك وبجيب سيرتك مع الرايح والجاي
مش عارف ايه بيحصلي .. لو أشوفك من بعيد
بلاقيني مش على بعضي دقات قلبي بتزيد
وغلاوتك وحياتك
أنا كل اللي بقولهولك
ذرة م اللي شايلهولك
صدقني ما بحورش
وهلاعبك وهاجيبك
وحياة ربنا ماهاسيبك
ده مفيش حاجة ورايا غيرك
سلملي ماتقاوحش
