دنيا وصح صحي توريك
في الدار ليمك والمابيكا
زولآ غير تمن عازيكا
وزولآ باع ولا شاريكا
كل حي فيها حسبو نصيبو
ونصيبي وقسمتي اخليكا
سبت الحي بقيت سواحة
كان البال يلاقي الراحة
كتر على
كيف الزول يعيش مع كاتلو
عينو ف عينو حي ما ماتلو
وجعآ يطري كل مايشوفو
مرات يهدأ مرة ينتالو
أصعب حاجة زولك يغدر
استشواك ويبخبس قدرك
يرخس قيمتك للما بيسوي
ويلعب بيك مع الما قدرك
حي يجمعني بيك كجنتو
قلبآ بقساك لجنتو
يحرم تاني ما بتدخلو
مرقت وبوراك امنتو
ايدي وايدك ما بتلاقن
لو السماء والأرض يتلاقن
شارع بيتنا ليك خليتو
في الزيي الكتار اتشاقن
عايز انساك عديل بالمرة
دنيا وآخرة حلوة ومرة
بعدك هو البداوي جراحي
قربك لي فيه مضره
