انا لسه حى وفيا الروح

انا حقى جاى ومش هيروح

و اذا كان على الباب المقفول

ف مثيرو بكره يكون مفتوح

مايغركوش أن انا محبوس

دانا يوم خروجى عليكو هدوس

مفهاش تراضى ياسيادة القاضى

هسأل فى دم ومش فى فلوس

السجن مقبرة الاحياء

ياما فى الجدع شمت أعداء

هيعيش يموت فتحى الابيض

أسد مشرف ارض بولاق

كل الكلاب فجأه اتجعو

لأجل أن فى السبع يوقعو

بس إلى واخد ع السكاكين

ولا الف سكينه بتوجعو

سهم الخيانه جايلى ملفوف

من يد اقرب ناس محدوف

غدر الزمان خلا زميلى

كارتو اتحرق وصبح مكشوف

عن نفسى مش زعلان منو

انا مصدوم انها جت منو

حوار أن اخ يدوس على اخوه

بصراحه مسمعتش عنو

القرش مخبطش فى جدعان

امتى الفلوس بتعلى جعان

خاف م اللى مبدأو للجنيهين

علشان دا من بيتو مش شبعان .

مبقتش ماشيه صحاب واخوات

واهى دايره ملياسى و تلاتات

اقرب ما ليك ممكن يأذيك

ويدوس عليك من أجل كاشات

صاحبى إلى ياما سندلت معاه

ازاى عيشى وملحى بينساه

معقول مفيش تقدير وأصول

والراميه فى السجن على هواه

من اجلو كنت بروح فى جحيم

قضيت حياتى كلها تخصيم

جدعنتى حدفتنى فى زنزانتى

ملعون ابو اللى بيمشى سليم

بدا الحوار بدأ الموضوع

هحدف عينيك على بحر دموع

ميت الف جرح مشفتش فرح

اضحك دقيقه وأحزن اسبوع

كات شغله ديره متخصنيش

عاركة مغامر مع حرافيش

شب ريجاته وقصادو تلاته

برجوله الشغله دى مرضتنيش

وقفت جمبو سحبت الفرد

لقمت على اعدائو وضربت

جت الحكومه كده مالناش قومه

اختو م المشكله وهربت

عرفت اسمو وعرف اسمى

اصبح زميلى واخويا الرسمى

فى يوم وشم اسمى على دراعو

تانى يوم وشمت انا اسمو فى جسمى

بيقولى ماتخليك ويايه

هتشتغل يازماله معايه

قولتلو نمشى شمال مش لونى

قلى تمام صوحبتنا كفايه

كان عندى موكنه اسمها عوامه

شقتى شقتك يا زعامه

ده من حكومه وخصومه مطارد

خبيتو فى العوامه يا فخامه

صندوق حشيش جايبو القبضايا

فى العوامه يشيلو من ورايا

تيجى الحكومه ميكونش هناك

رزعونى ٥٠ حته هدايا

من شغلى جوم وخدونى بحمله

ده كأنى مزنب و عامل عامله

قالو من بيتك شحنه اتجابت

الشيله شيلتك ضعت فى كلمه

رنيت عليه داخل الزنزانه

يسمع صوتى مردش خلصانه

الهاتف الى طلبتو كرفلى

مصدوم ومخدوع قوى بامانه

قاضى وحكم كام سنه علشانى

مظلوم وليه الحابسه مكانى

مسيرى طالع ل اوسخ صاحب

يانا يا هو فى ام زمانى