باعاني من العظمة مش عايز الدكتور يشفيني
في مطعم ايطالي بناكل تورتليني
بنده الجارسون بايدي
قالت: هاسيبك، قلت: سيبي
مش هنتخانق في حضور الامبراطور الصيني
بل هي… عودة الديبلوماسي
لبس النورميز مافيش منه مقاسي
املوا كاسي تاني وتاني بكذا ليكويد
دماغي بتجري كإنها فرود
في قلبي ذهب اسود
احنا النينچا
هانجيلك وانت بتحلم نحلق رمشك
ونقول لك محتاج تنشف
الولايات المتحدة المروانية هي جمجمة
واخد المعدية من إسماعيلية لقرطبة
مجالنا كام امبير؟ دا لم فطير
على الفيس انا أدمن جروب فانز محمه منير
دمكوا تقيل نفس وزن هم الفيل
شكلك مش بتستحمى كتير
شربوني مقلب بس سرب من الشفشق
لو ملكش ضهر هكسرلك رقبتك
في سوبرماركو الخريف اللي فات
كنت امسك قلم جاف واغير تواريخ الانتاج
اصلي باقدم خدمة
رز مكسرات وفخدة رجلك
السنة دي بصراحة تخنت من أكل الدهنة
فهاتلي زبدة
باقول ايه انتي شكلك قتمة
بس طييييبة قلبك هي اللي شككتنا
متفكرنيش باللي فات
٣ ثواني ما بيني ومابين الباب
لو مش مقتنع قول لي الحاجة اسمها
واجيبلك التليسكوب عشان تعرف انا فين
ع الروف وبافطر بيض مع جارتي
بتقول لي ظبط وهنبارتي
انا شايفك عشت الدور وطلع أرضي
الزيبق الاحمر في حنجرتي
مخبي هرم خفرع في حصالتي
الرغبة في الحياة حب استطلاع
موظف أورانج سأل فين الحب اللي راح
قلت اكتب ضاع
هي المكالمة دي بتتسجل؟
دنيس متبل
عزمت بيبو ع السحور: تيجي الدوسيت يا كابتن؟
مناقشة بكلام فصيح على صفيح ساخن
اهو الطبيخ داخل
طالب قرنبيط فاخر
شوية برفان يترشوا على الرايق
باكراش على لعب الكاندي كراش وانا سايق
مش قصدي الطعك بس رايح ع المطبعة
في منتهة السربعة كتبت سيناريو عمر وسلمى اربعة
بعاليصا! ليه بتسموها سهلابيسا
سهل تلاقيها، زي الرجولة في اهل الجيزة
هات لي استمارتك ع الشباك لازم مع صورة
اهلا بيك في إدارة الكلاب المسعورة
باسهر مع بت شقرة شاطرة بتذاكر كافكا في دفتر
واثقة وكاتبة ع اليافطة الصفرة "خطر" بالخط الاخضر
غور في داهية محتاج تنصحنا
واسترجالك، مطلوب... اكتر من تراك الرحمة
دا شيئ معروف يابني البداية كانت واضحة
عمرهم ما بيغلبوني تحسني المارد الاحمر
متفكرنيش باللي فات
ثانيتين ما بيني ومابين الباب
لو مش مقتنع قول لي الحاجة اسمها
واجيبلك التليسكوب عشان تعرف انا فين
في شارع تسعة في الحتة اللي بعد لتشي
وبعرج... في واحدة اسبانية ماسكة في كعب رجلي
هي هي.. تمها ايه الدنيا ديا؟
اسمعلاوي الاصيل من زمن الامبريالية
انا والفن زي الويچا والسحر
في إضاءة خافتة باغمس الريشة في الحبر
قعدت تقول لي دا شامب، اهو اتداس
دفنته بالفاس بدمه، والكاس بات في أسمنت ممتاز
روحت قشتمر اقرا لأميرة الفنجان
... خدي نفس... طلبت شيشة بتنجان
قولتلها جوك قدم زي مين في وسط ناو
معايا واحد برازيلي اسمه استيفاو
وبيللا حديد عايزه تاكل في نعمة، ماسمعتش م الهاندزفري
يا بيللا هو احنا ايه اللي يودينا المهندسين؟
البت زعلت لازقة بوزها في الهواوي
مش عايز شكاوي، اتصالحنا وزغطتها عكاوي
يالا ...مش هنرضي الكل
الكولمان مليان بنزين
عامل دماغ ٩٢
دي لعبتي ...طفي السجاير في معدتي
دا الفصل التمنتاشر من مذكراتي، اكتبي
مبنى شعر يابني معندعكش ادنى فكرة
شايفك جبت ورا. ايه دا طب ما انت بتفهم
كاريزمة مين ياض اللي انت المفروض بتمتلكها
سألتها انتي لابسة ايه ف قامت قافلة السكة!
حسيت اني اتقدمت لاقتني رجعت لورة
حسيت اني اتاخرت لاقتني طلعت الهرم
متفكرنيش باللي فات
انا ع الباب
