جانا الشتا جانا الشتا
والذكريات متفتته
كل اللى كانو معانا فين
وبسرعه ليه راحو كده
سارح خيالى مع المطر
بسأل فى اوراق الشجر
عدت علينا ناس كتير
فرقنا ليه بس القدر
وسط الشوارع روحنا جينا الحزن بينادينا
عتمة غريبه فى عنينا وبرد الشتا
فاكرين ومش ناسين ماضينا
و مفيش حاجه فى ايدينا الله يعوض علينا نورنا اتطفي
جانا الشتا جانا الشتا
وقلوبنا ليه متعلقه
فى حبال ودايبه سكتها خايبه
نهايتها صعبة ومتعبة
رغم ان واضح كل شيء
لسه احنا بنضل الطريق
نهتم بلى وجع قلوبنا
ونهمل الشخص البريء
وسط الشوارع روحنا جينا الحزن بينادينا
عتمة غريبه فى عنينا وبرد الشتا
فاكرين ومش ناسين ماضينا
و مفيش حاجه فى ايدينا الله يعوض علينا نورنا اتطفي
