لسة فاكرة جاية بعد اية ماكان نسينا
دوسنا و ضيعنا احلام كتير بأدينا
جاية تصحى شوق و حاجات كتير مابينا
دلوقتى لو هنبقى لبعض زى زمان مش هنشبهنا
الحب غيرنى و غيرك البُعد كَبرنى و صغرك
غلطة لوحدى أدفع تمنها ماكنش من المفروض اختارك
ياريت بتعلم لا دا الجرح فيا معلم
ظلمنى قلبى و كان فى حبك ياما مسلم
ماتدمعيش مابقتش اتأثر احبك تانى لا مش هقدر
جاية تبنى حب بأيدك انتى اتدمر
مش متصور ولا مصدق اللهفة اللى جوة عينيكى
كل يوم بعدنا فيه كرهتينى اكتر فيكى
اسف لنفسى بس هى اللى تستاهل الاسف
حبيتك ! مع الاسف
من الفراق قلبى ارتجف
حاجات كتير بتموت لما يموت جوانا الشغف
قولت لقلبى حب و دوب وقعنا فى فخ كان منصوب
مش حرب واحدة الاف حروب ادى الدنيا و دة المكتوب
هعشق وادوب و احب تانى و اعدى دروب
ولو على حبك ادينا كفرنا بيكى ذنوب
متسأليش عن حالى متسأليش
دى حاجات ماتهمكيش
وعموماً بيكى او من غيرك
انا مكمل وادينى بعيش
ماتسهريش تفتكرى و تفكرى عشان حاجات هتدمرك
ممكن نفسك منك تخسرك
غيبتى وغاب اللى كان حبيته زمان وعوده مجرد كلام
بشتاقلك جداً رغم كل الحاجات اللى ماتت مع الايام
انا بحاول اواسى نفسى بالكلام و افضفض
انتى مش جنة انتى نار ف قوليلى انا لية متلغبط ؟
احساس غريب بحسه ضحكة مرافقة دمعة
قبل اما تروحى قولت بحبك لكن انتى ماكنيش سامعة
قولت مالناش الا بعض ولو بعدنا نموت
فضلنا ساعة فى حضن بعض و الساعة كانت سكوت
اية اللى جابك ! لغبتطيلى لية الايام
شكراً مش عايز الحنية لو هييجى منك اهتمام
مابقتش استغرب عادى ان كله سابنى
انا قبل ما اموت كانت عينى ف عين اللى قتلنى
قولت لقلبى حب و دوب وقعنا فى فخ كان منصوب
مش حرب واحدة الاف حروب ادى الدنيا و دة المكتوب
هعشق وادوب و احب تانى و اعدى دروب
ولو على حبك ادينا كفرنا بيكى ذنوب
