لا تمحنون القلب يا عاذلينه
الأمر لله والحكي ما يثيبِ
العام كنّه يوم أنا مستهينه
لا ودي أبدي للعرب ويش غيبي
اليوم يوم إنه تبيّح كنينه
أنا العليل وعلّتي هي حبيب
قالوا عليلٍ هات طبيب المدينه
قلت الشفى بشفى حبيبٍ قريبِ
لعقة عسل ما بين زراره وجبينه
وحرف الكتاب اللي تلاه الخطيبِ
إن خاف ربه صار قلبي بحينه
عن ذبحتي بسبّته وش يبي بي
أنا له ألجا من حد والدينه
واطوع من العبد المليك الأديبِ
عرقى على كبدي وسيمه مزينه
واركى على قلبي ثلاث المغيبِ
كان الجروح قصاص واشيب عينه
كويت قلبه كيّةٍ ما تطيبي
