ما عم اقدر افرح و لا عم اقدر عيشه

طريق الفرح للأسف ما عم لاقي طريقه

عم اتصنع البسمة عوشي عم حاول ابتسم

للحياة بس كل مالي عم التئم و التئم

ضغوط عم عيشا من جميع الانواع

الكل عم يضغط علي وعم يسببلي اوجاع

مشتهي اني اضحك من جوا قلبي افرح

بس الدنيا ما تركتلي بالفرح و لا اي مطرح

الكل عم يهجم علي عم يظنوني فريسة

عم يستهدفوني كل اصحاب النفوس الضعيفة

ما عم يلاقوا غيري ضحية يفترسوا بهالغابة

فيا تتحمل كل الم شو ما كانت الاصابة

والدنيا بتبقى كذابة ما ضل فيا اي هدف

يخليني اتمسك فيا رأينا فيا اختلف

ماضل فيي اتحمل و لا عاد فيي عالصمود

سور قلعتي انهدم تفتت من السكوت

شجرة ورد مافي غير البستاني عم يسقيني

والكل بقطف وردي لما بفضى بنساني برميني

يا ريتن بس يداروني وقت القطف يرحموني

من ورداتي عم انحرم بكفيني يلي فيني

على شو بدي ازعل لازعل على شو بدي احزن لاحزن

مصايبي صايرة ما بتنعد للصبر ما ضل عندي مخزن

كل مصيبة بتقتحم حياتي بتغتنم غنائم

من مستودع صبري كيف بدي عيش بالواقع الظالم

ظالم ظلمني و ما سأل عمشاعره لقلبي

وبعد عني كل انسان بحبه ماشي معي بدربي

غلبني حملني حمل اكبر ما طاقتي تستوعب

احتمال بأي لحظة اقلب فرد قلبة مستذئب

استذئب اهجم اكل كل الدنيا باللي عليا

انسى كل مغزى تعلمته اقسى عكل شخص فيا

ما ارحما ولا خلي رحمة الله عليها تنزل

حط قناع نظرة عيني خليا من لمحة تقتل

كل شي بشوفوا قدامي ابتداءً بأغلى احبابي

لتتفرع الدمعة تتوزع بشكل ايجابي

خلي كل متهني يعاني يحس بهمي يجرب سمي

بدل ما اموت لحالي بكتبلك موت معي بدمي

شجرة ورد مافي غير البستاني عم يسقيني

والكل بقطف وردي لما بفضى بنساني برميني

يا ريتن بس يداروني وقت القطف يرحموني

من ورداتي عم انحرم بكفيني يلي فيني