من عادتي فارقه لاجيت
أطـوّع الشعر بيتٍ بيت
أوصف شعوري و لا زليت
أقدم و صح الله لساني
و يادارنا عاليٍ شانك
اليوم جينا على شانك
والله ما نحصي إحسانك
أعظم وطن بين الأوطاني
يافخري و ياكبر عزي
اني نسل ديرة معزي
اسمي يهز الثرى هزّي
و يقشعر أبدان عدواني
في ذكرى توحيد دولتنا
تـعّـرف رخانا و شِـدّتنا
مضرب للأمثال قوّتنا
لا اشتدّت السيف شاماني
ثلاث وعشرين سبتمبر
يومٍ من العود و العمبر
انا سعودي لي المنبر
من وين مارحت تلقاني
عمار ياديرة ال سعود
دار الرخا و الكرم و الجود
عساك طول الزمن في زود
في ظل ذربين الأيماني
و ياسيّدي قايد الأمه
شعبك تربّع على القمه
و حبك جرى في وسط دمّه
من الجوف لحدود جازاني
حنا على السمع و الطاعه
ما نفتر ولو ربع ساعه
و كبود الأخصام ملتاعه
ناقف لهم و العمر فاني
وولي عهد السعوديه
ما الله خلق في البشر زيه
هيبه وذخر و ذرا وفيّه
فخر العرب قاصي و داني
اليا نطق وافيٍ بالكيل
و اليا عطى فاق نهر النيل
و اليا بطش بالأعادي ويل
حربي و سيفي و دُخّاني
