دامك نشدت اشلون حالي ودنياي
من بعد ما أنته غبت ماني بطيب
تايه وادور لك من اقصاي لاقصاي
حبك هنا لكن زولك مغيب
يافرحة الحاسد ويافرحة اعداي
هذا شمت فيني وهذا يعيب
معقول تزعلني ولا همك ارضاي
وتهد في قلبي الغلا يا حبيب
من ونته ياصاح راسي مشيب
وآحن لك والهم لي ساكن احشاي
كسر مجاديفي وبحرك مخيب
كل يوم لك مسلك ومنهج ولك راي
وآخذ من علوم المحبه واسيب
تشتاق لك عيني وفي شوفك دواي
واقول ياعيني حبيك قريب
محتار وفكري محتار وفوادي من صدري طار
وانته تاركني في نار ما تسأل ويش الاخبار
دورتك من دار لدار وزنقه زنقه باستمرار
غيرك قلبي مايختار مهما كان ومهما صار
