جايين يا أرز الجبل جايين
يا أبو فادي ليش ما بتحضَر ؟
راحو معَك سهراتنا الحلوين
و آخ يا عرزالنا الأخضر
وفلّت الشحرورة وبكي صنين
وعبّود والمجوز اللي تكسّر
وغاب ملحم متل حب سنين
وسمير يزبك عالسفر بكَّر
والاخوين رحباني وورق تشرين
فيلمون وهبي صار يتذكّر
بلبنان خلص الفن كتِر الدين
وعالسجن كانوا بدّن اسكندر
يا ستنا فيروز نحنا مين ؟!
سكوتِك قتلنا والوضع غيَّر
قوليلهن لبنان قد الصين
لما بيغني عالسما بيكبَر
قوليلهن لَ هالسياسيين
لما الفن يروح من لبنان
ما حدا بيربح كلّنا منخسر ...
