أديك قلبت فى صورها
وبرضه الدمعة بتخونك
لا اول حاجة تخسرها
ولا انت الشكل مضمونك
دى كل رسالة مبعوتة
علامة وذكرى بتطاردك
وليه بتعيش ف حدوتة
بناتج حسبة من فرضك
اهدى يا قلبى ماتتعبنيش
خلى الجرح تلمه خيوط
يمكن اكون دلوقتى بعيش
بس عشان معرفتش اموت
موضوع صعب علينا اكيد
خلى حياتنا بحالها كابوس
بس أهو ماضى وراح لبعيد
واتعلمنا ف آخره دروس
وامتى الذكرى هتحلّك
وتمسح كل تفصيلة
ماحدش حس وفضلّك
عشان تفتكره بجميله
