لا ذا ولا هذا ولا ذا ولا ذاك

ولا ذاك مع هذا ولا ذا ولا ذا

ما منّهم كثر اللي أغليك أغلاك

إدبل غلا هذا بهذا على ذا

صدقني الناتج كثر ما تمناك

قلب لقى حضنك دفاه وملاذه

بلاك ما تدري الغلا كيف خلاك

ومع وريد القلب ماشي إتّحاذى

عاد انت أدرى وعارفن وش سواياك

ومنهو سرق قلبي ودبَّر ولاذ

القلب لو ما راح لك ما تعدّاك

لو يجتمع هذا وهذا وهذا

لولا الغلا و الحب ماكان جيناك

ناظر عيون الشوق تمطر رذاذا

تبرد و جمر الشوق و الحب دفاك

لا تقول كيف و ليه و تقول ماذا