يالى الناس عاملينك غية
و يوم ما تموت ملكش دية
و يوم ما تلاقى حبيب ترتاحله
و تقرر قلبك تفتحله
و تفكر الدنيا هتحلو
هتلاقى معندوش النية
دايما تبدأ تبقى السائل
و يردوا عليك الدنيا مشاغل
استسمح سؤالى العابر
امتى رجعلك هو و هى ؟!
رجعوا بعد سؤال و التانى
ده بيفلس و دى بتعانى
بيألفوا و يغنوا أغانى
و يخبوا حياتهم الوردية
اسمع منى بقى من الاخر
و استحمل اسلوبى الساخر
الناس مبقتش خلاص تتعاشر
خليك لوحدك مش قضية ..
