يبات الليل ف قلبي طفل وحداني
مراكبي بعيد ف بحر الغربة بيعاني
لو القاني .. جراحي تطيب
عنيكي و قلبك الرحّال
و حلمي خلاص بقوا ناسي
بنام متدفي بالترحال
و اقوم و الغربة حُرّاسي
و ليل قاسي .. نهاره لهيب
و يجري من بلاد قلبي حصان مجنون
عشان ميتوهش قام سمّاكي اخر الكون
و مهما تكون الغربة صليب
انا مكشوف لعيني حجاب علي روحك
انا بسمع ف صوتي همس من بوحك
و من نوحك ف صوتي نحيب
قوليلي انا مين
قوليلي انا مين
انا عاشق ..
بقيت عارف خلاص انا مين
