عايزين جدعان من الصين
عشان الجدعان ناقصين
عايزين جدعان من كينيا
الجدعان جالها انيميه
خلاص قفلنا الحنفيه
لا في اهتمام ولا حنيه
هنا المحبه معدنيه
ما بقتش ناقصه العمليه
مبقتش ناقصه يا ولاد الناقصه
مش طالبه نقص عشان مش ناقصه
سيبونا في حالنا دي الدنيا بايظه
ولا انتو جايه معاكم لا مؤخذه
لا مؤخذه بقى في الكلمه
انا خُلقي تلاته في الميه
مش عيب عليكم بالذمه
اناديكم تعملو من ليبيا
عايزين جدعان من ليبيا
الجدعان طلعو مادليا
عايزين جدعان من غانا
تيجي هنا وتزق معانا
خلاص فتحنا الغسالة
يا اعلى جوده في الندالة
هنضفكم من البكاسه
ونروح نبيعكم في الوكالة
في الوكاله قالو دول ببلاش
لا جايه فيزا ولا فودافون كاش
حتى olx قال لأ بلاش
البضاعة سكه ما تسواش
انا جالي تليفون
انا قولت ألو
مين بيكلمني
جدعان دوت كوم
عندنا جدعان
اشكال وألوان
ومعاها ضمان
ضد القله وعدم السلكان
الخيانه بقت شغلانه
شفت نقص وشفت ندالة
النفوس كلها شياله
قمت انا كاتبها على الحاله
عايزين جدعان من الصين
عشان الجدعان ناقصين
عايزين جدعان من كينيا
الجدعان جالها انيميه
طب أقولكم على حاجه
مش عايزين جدعان من الصين
المصرين جامدين
مش عايزين جدعان من كينيا
ولاد بلدنا دي قد الدنيا
