كنا قبل سنتين جارة وجار

‎وعالباب كاين موعد الضّحكة

دار الحكي، و صرنا كتر ما دار

نوقف سوا عالباب وما نحكي

‎كنا سوا بنت وصبي وصغار

‎نسرق قمر! بجيابنا نضبّو

‎والعمر راح وهيك صرنا كبار

‎الكبار مدري كيف بيحبّو

‎كنا سوا وكان الورد بيفوح

‎والعطر عم ياخد عطر منّا

‎شو اللّي ترك باب البُعد مفتوح

‎وكيف القمر بطّل يجي لعنّا

‎من قبل ما إيدك معي تحكي

‎بعرف إنت عالباب من دقّة

‎بعلمي اللّي دق القلب هالضّحكة

‎شو اللّي فتح القلوب عالفرقة