حاجات كتير مالهاش معاني
زي إنشغالي لما يزيد
أوقات بطير...خارج مجالي
و الاقيكي لسه..لسه بعيد
يسوقني حلمي لطيف خيالك
يشوفني جايله..يزيد ف الجري
اصحى و أفوق..ل تعبي الجي
ياخدني فرحي لو جيت ف بالك
يشوفني نورك..و يعميني الضي
و أهدى و أشوفني أنا فيكي حي
حبيبي
السما ليه وحيده
ضلمه وبعيده
حبيبي
انا روحي عنيده
والوقعه شديده
سافرت فيكي..و رجعت خايب
اخر طريقي..ساكت حزين
فيكي الأغاني..وخدالي نايب
بردان يا قلبي..تدفى فين
يا مأويا
أنا هنا برتاح
أنا لسه برضو تايه و خايف من غير اسباب
ولا باقيلي جواب..ولا هيبان
ولا عمر قلبي يقول كلام و يكون كمان كداب
ماتسيبنيش أكون وحدي
خليك هنا معايا
لو بس مرة تسيبني اقولك
إني بحبك..
بس مستني الكلام..ها قولت إيه
محتاج لفرصة إني اقولك..تبقالي ليه..
