ناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم

وناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم

مش منافق فما بهمني كثير المظهر

وفي كل ألعاب الحب دايماً أنا فيها بخسر

وفي كون الحب دايماً أنا جوة المغفر

فاشل في الخداع وغيري ماخذ أوسكار

active now وكل ما أفتح بلاقيه

ciao زي كأنها بتقول لقيت غيركم إنت يلا من حياتي

I know this is the law وآخرها بلوك

wow عادي متعود مش ها الإشي الـ

أنا كالمحيط خافي كثير أسرار ما بتنشاف

تشبيه جميل إذا كان النفاق هو المبدأ

بس أنا ما عندي أسرار أنا زي لوح كزاز شفاف

صريح وما بنافق أنا هيك من بدء المنشأ

فعادي إني أكتب وأرجع أشطب

شو بدّي بالأفكار دام إنه القرار مش ملكي

دايماً قلبي اللي بتحكم ونفسي فرصة منه أطلب

ولمّا الضّو انطفى بها العتمة قل لي لمين أشكي

قل لي لمين أشكي

ناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم

وناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم

بعرف حزين وحزين كثير مبيّّن

بس بعمري ما انحطيت بموقف هيّن

أكثر سؤال بيجي ليش ما تبيّن

والله لكثير أسباب بس خلّي الناس تخمّن

هدوء قاتل و وحدة وبرود أعصاب

وتفكير الليل بفرصة ضاعت أو ظلم أحباب

وكل من أعطيتهم ثقتي ظنّي فيهم خابوا

وكل من أثبت وجوده بوقت الشدّة غاب

كيف لسه فيّ روح كل اللي فيّ جروح

إفهم إنه لازم ترحل مش شرط ينقال لّك روح

طيّب قل لي ع الأقل لا مش مسموح

طيّب قل لي ع الأقل لا خليك مجروح

نفاق أوهام أكاذيب وما أحد غيرك بنلام أصبر يمكن تنسى هيها بتمر الأيام

وصرت أكره أكتب خوف إنه الحقيقة تجرح وحظل أعمل حالي ناسي

وأنا كل يوم فيكي بسرح (كل يوم فيكي بسرح)

ناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم

وناس بتنام مرتاحة وناس صاحية تفكر فيهم

وناس مش عارفة تقدّر شو خسرت علشان ترضيهم