يا بري حالي من الفرقاء ويا وجده
لو التوجاد لا يغني ولا يجدي
فرقا عزيزٍ تحرك كوني لفقده
ولا كل فقدٍ يحالي لوعي وفقدي
فرقا عضيدٍ على الشدات باعده
مثله وشرواه حي وميت ينعدي
شينان شيخ الأكابر وافي المدة
لا العد يحصي كرم كفه ولا المُدي
مكة وطيبة مثل مسجده تفتقده
والضيف والجار قاسوا حرّة الفقدي
منصى ضيوفٍ على الشُطة لهم مدة
تنحّروا بيت جزل الهرج والمدي
ملاذ من وقته العابس وقف ضده
واللي وزى به ورب البيت ما انضدي
وإن عال شرهٍ توطى في الوطا خده
يأمن بهيبة جنابه طارف الخدي
يالله يامن دعينا خوف ونعبده
لك سبّح الطير والحيتان والعبدي
يارب قبره رياض خضر ممتدة
لجنةٍ ظلها وارف وممتدي
