عم بتضَوِّي الشمسْ عالأرض المزروعَة

عم بتضَوِّي الشمسْ والدنيي عم تُوعى

حبّ الزيتونة السمرا .. يا سمرا يا مغبَرَّة

وعَ حْفَافي خَلفا حْفَافي خَلفا حْفَافي مَشْقوعَة

قْمار القمح المِدرية .. غنَّية وشو غنَّية

ومْزَارع خَلفا مْزَارع خَلفا مْزَارع ونْبُوعَة

وبالقطن الحلو شو اغْتَنَيْنا

يا تلج زرَعْناه بإيدينا

يا حمام الغَيضا .. يا غنِّية بيضا

يا تلج زرَعْناه بإيدينا

وشو بحبّك يا أرض السَّخيِّة

يا زَرْع الإيدين القويِّة

يا مْطارِحْ دَوَالي .. يا رمّان العالي

يا زَرْع الإيدين القويِّة

وهبّتْ ريح .. لاقوا الريح

شيلوا مْعاوِلْكُن هزُّوها بوِجّ الريح

لاقوا الريح بْرَقْصَةْ حلوة وغنّوا مليح

وللجلسة الرضيَّة

ببيوت الهنيَّة

خبُّوا غنّية