أربعة وقفوا معك وديتون وراحو
لبسوا الليل لبسوا خيالات الشجر
لبسو سكوت الأرض وديتون وراحوا قلي لوين راحوا ؟؟
عم تسألي تا تعرفي وبتعرفي
يعني الرحيل
شو بعد في غير الرحيل ....؟؟
مواسم الزرع منتفة وأيامنا عم تنطفي
خيل الحرس من كل باب تمد راسا وتختفي
وصوتو يحمل ضحكنا ويهج بها العاصفة
كلوا صحيح لكن أنا ما بفل عن باب بيتي
رح يفلوا الكل شو بتعملي وحدك ؟؟؟
أنا رح ضل
بكرا متى هجرنا
يا خوفي كيف بدكون تهجروا
وتصير ها الدنيي طرقات ما عليها حدا
وبيوت ساكنها الصدى
رح تتعبي وحدك ما بوافقك تبقي
أنت يا زاد الخير ما بتعرفي بالظلم
بعرف أنا واليوم عند العصر
شفت البكي معبي القصر
شفت البكي نازل ع حينا نازل محمل دموع الناس
محمل صوات الناس وصوت ديك المي
بيناتهم شقتوا عرفتوا وما عرفتوا
كرمالهن كرمال ديك المي هالراح مرة وما رجع
هاللي تعذب ونوجع
تا هج بالحيطان وفل من حالوا وبعدو كل يوم بينوجع
كرمالهن ما بفل ويهيج بحر الظلم بدي ضل بدي ضل
بدك تضلي ضلي نحنا رح بنروح
ومازال هوي بدو الأرض بدو البيوت
بدنا نخليلوا الأرض نخلي البيوت
رح ناخد الإنسان
وساعتها يضلو ملك ع العتم والحيطان
