نعم عاشق وأحبك موت .. ويمكن لو تغيب أموت

بدونك كل يوم يفوت .. ابي أفهم أعيشه شلون

معي خلك مثل ظلي .. تغيب شوي وترجع لي

بعدك بس انا من لي .. يا أجمل شي في هالكون

في عينك شفت انا دنياي .. وأحسك لي الهوا والماي

يا عمري اللي مضى والجاي .. قسم بالله بك مجنون

أنا من إيدك لإيدك .. تحت أمرك وفي قيدك

بحط روحي على ايدك .. تفضل يا الغلا وتمون

ابيك وما أبي حاجه .. يا نور القلب وسراجه

ما غيرك بس انا أحتاجه .. وابي كل البشر يدرون

انا واللي خلق هالراس .. احبك حب ما ينقاس

يا واحد تغني عن هالناس .. غلاتك للأبد ما تهون