بيسكن حزني جوايا .

وابان برايا غير جوه .

انا مشكلتي ف مرايا .

بتعكس ضعفي بالقوه .

انا ماشي في طريقي عكس ..

وليه الحاجه مابتكملش ..

بداري واقول في جاي احلي ..

ف بتفاجئ بكل العكس ..

لامتي هعيش وانا موجوع ..

وبرسم ضحكه كدابه ..

حقيقي خلاصه الموضوع ..

بقيت عايش في دوامه ..

بمثل كل تفاصيلي ..

بقيت شاطر في تمثيلي ..

بقيت ازعل وانا فرحان ..

وبفرح وقت تعذيبي ..

ياعمر مبقاش منه كتير ..

لامتي هعيش بقي لغيري ..

وامتي الحلم يبقي اكيد ..

واعيش وافرح بتغيري ..

انا مش طالب الا حياه ..

تكون خاليه من الاشباه ..

قلوب صافيه تحب الناس ..

وتخطفهم من المعناه ..