الخوف في الغالب حاجز
بينك و مابين احلامك
كسره شئ جدا جايز
ماتخلخوش يمسك زمامك
الخوف بيكسر حلمك
و يكسر جوانا كابوس
مايخليكش بطل فيلمك
هتكون دايما في كابوس
ابدأ بنفسك ده الخوف في الغالب بيكون حاجز
بيكسر الامل اسألني
كنت كتير دايس
كفايه بئا استسلام و ياللا نبدأ العمل
راضي عن القعده دي فكك بئا من الملل
احلامك كلها سهله جدا الوصول
ايوا خليها قدامك
و ابتكر كل الحلول
هتقابلك كتير م المصاعب
ماتسيبهاش و روحلها
خليك دايما ورا اهدافك
اوعي تخاف من غدرها
استمرارك في المواجهه هو سر الانتصار
عزيمه كفاح معافره عناد
في ازدياد جرعة اصرار
خليك بطل اساسي
اوعاك ترضي تكون بديل
ماتكونش لحلمك ناسي
مافيش في الدنيا مستحيل
ماتقبلش تعيش محجوز
كسر قضبان نط سور
اوعك تعيش اراجوز
بضحكه من زور
كسر ابواب اليأس و افتح قلبك للنور
دي حياتنا مش صعبه بالعكس
ماتعيشي بقلب مكسور
تقدر تداوي جروحك
و تواجه نفسك بصراحه
صدقني جراح الروح
مابتحتاجش لجرااااحه
و الدنيا مسرحيه
يا تمثل فيها الدور
يا تتفرج عاللي يمثل
و تصقف و سط الجمهور
