انا بتعب مالكلام
مش عايز اسمع معلش فبهرب مالسؤال
اصحى اعمل ايه سيبني ارجع انام
عالحال ده بقالي ايام ميت من جوه تعبان
فبضحك و بقول انا تمام
ولا مبسوط ولا زعلان انا تمام
بفضل اشرب لحد ما احس ان انا تمام
مخبي و بكره لما يبان اني مش تمام
من جوه جهنم من بره تمام
من جوه جهنم من بره تمام
صراحه الموضوع مش سهل
جعان و مليش نفس لأكل
ملهاش علاقه بكره او حب
بس مفيش طاقه ارد على حد
كل ما افوق الدنيا بتسود
شياطين بتنده فوق و شياطين عايزاني تحت
عامل نفسي عارف بس انا خايف
أن بكره يبقى زي امبارح ليه
بتقوليلي الوقت هيعدي و مش واخده بالك
إن ده هو عمري اللي بيجري فايدتها ايه
العيشه دي سيبيني و امشي
عالاقل اديكي عرفتي ليه
انا بتعب مالكلام
مش عايز اسمع معلش فبهرب مالسؤال
اصحى اعمل ايه سيبني ارجع انام
عالحال ده بقالي ايام ميت من جوه تعبان
بس بضحك و بقول انا تمام
انا لما بفرح بفكر هزعل تاني ازاي
و لما بحب حد بتخيل هيموت ازاي
احكيلك و انا عارف انك مش هتفهمني ازاي
حط نفسك مكاني و قولي انت هتعيش ازاي
محبش اشتكي و ازود خنقتي
عشر سنين و لسه ببتدي
كلكوا ولاد كلب بتبيعوا سري
فمش بمأمن غير لامي و صاحبتي
قعدتكوا ممله ملتكوا قعده
بتمشوا اول ما بتنتهي
فعالاقل اديكي عرفتي ليه
انا بتعب مالكلام
مش عايز اسمع معلش فبهرب مالسؤال
اصحى اعمل ايه سيبني ارجع انام
عالحال ده بقالي ايام ميت من جوه تعبان
بس بضحك و بقول انا تمام
ولا مبسوط ولا زعلان انا تمام
بفضل اشرب لحد ما احس ان انا تمام
مخبي و بكره لما يبان اني مش تمام
من جوه جهنم من بره تمام
