سايقة بسوكليت

ماما جبتلي إياه

بعيد ميلادي وتمنّيت

ألفّ العالم معاه

أطلع من البيت

أقعد ألفلف بالحارة

أتطلّع ع الناس بتمرق...

تحت بيت إبن صفّي

بوقّف بضرُب الجرس

وبس يطل من الشبّاك

بسأله إذا دَرَس

ولمّا أكبر بعد شوي

بطلع أسوقه بالسهل

بنفع أسرع قد م بدّي

وبنفع أمشي ع مهل

بعرف أنفخ العجل

بعرف أغيّر جوّاني

بعرف إنّه لما أكبر

في كم بنشر بستناني

ولمّا أكبر بعد نتفة

راح أسوقه بالمدينة

وأتمنّى بالسنة الي جاي

أتعلم أسوق سفينة